Юныя выратавальнікі Бабруйска – прызёры абласнога турніру

15 траўня ў г. Магілёве прайшоў абласны фінал турніру КВЗ «Юныя выратавальнікі жартуюць» сярод раённых аддзяленняў Беларускай моладзевай грамадскай арганізацыі выратавальнікаў-пажарнікаў (БМООСП). Бабруйск уяўляла каманда сярэдняй школы № 28. 

Перш, чым патрапіць на абласны фінал удзельнікі прайшлі неабыякі адбор на занальных этапах, у якіх прыняў удзел 27 каманд.

У фінал прайшлі 5 каманд вобласці: «Неяк так» ГУО «Вейнянская СШ», «Тыпу таго» ГУО «СШ №2 г.п. Хоцімска», «УПС» ГУО «СШ №28 г. Бабруйска», «Самыя здаровыя» ГУО «Ясенскі УПК д/з-СШ» (Асіповіцкі раён), «Вясёлы дым» УО «Краснапольская раённая дзяржаўная гімназія» г.п. Краснополье.

Праграма турніру складалася з трох конкурсаў: прывітанні, біятлона і музычнага хатняга задання.

Ва ўсіх трох конкурсах юныя Квншчыкі з невычэрпным гумарам, песнямі і танцамі, а таксама неперасягненым акцёрскім майстэрствам скаралі чальцоў журы і гледачоў у зале.

Жарты жартамі, але ніхто не застаўся ўбаку ад асноўнай тэматыкі турніру – сваімі выступамі дзеці са сцэны яшчэ разоў нагадалі ўсім прысутным пра асновы бяспекі жыццядзейнасці.

Па выніках гульні журы вызначыла пераможцаў. Каманда «УПС» (Бабруйск) заняла трэцяе месца, Квншчыкі з Хоцімска «Тыпу таго» ўзялі «срэбра». Другі год запар пераходзячы кубак чэмпіёна заваёўвае каманда «Неяк так» (Вейно).