Банкі пачалі публікаваць адрасы банкаматаў, у якіх 1 ліпеня можна будзе зняць новыя грошы (абнаўляецца)

Некалькі беларускіх банкаў ужо паведамілі сваім кліентам пра тое, дзе 1 ліпеня яны змогуць зняць новыя грошы. Нагадаем, у першыя дні пасля дэнамінацыі банкноты без нулеў плануюць загрузіць у кожны трэці банкамат. Да 1 кастрычніка 2016 года на новыя грошы пяройдуць усе без выключэння банкаматы.

Карысная шпаргалка: як не заблытацца ў старых і новых грошах пасля 1 ліпеня

Спісы банкаматаў, у якіх можна зняць грошы ўзору 2009 года (гэта значыць, дэнамінаваныя), банкі павінны будуць публікаваць на сваіх сайтах і абнаўляць іх у рэжыме рэальнага часу.

З новымі грашыма больш за ўсіх пашанцуе кліентам Беларусбанка (і банкаў-партнераў).

“Пачынаючы з 01.07.2016 года банкаматы ААТ “ААБ Беларусбанк” будуць выдаваць грашовую наяўнасць толькі ўзору 2009 года, — гаворыцца на сайце банка. — Загрузка ўсіх банкаматаў банкнотамі ўзору 2009 года з абавязковай загрузкай названых прылад банкнотамі наміналам 5 рублеў будзе забяспечана да канца дня 1 ліпеня 2016 года”. Але ў першую чаргу загрузяць тыя прылады, якія карыстаюцца павышаным попытам у кліентаў — каля 120 банкаматаў у Мінску і вобласці.

Белгазпрамбанк пакуль плануе загрузіць новыя грошыкі ў чатыры банкамата: галаўны банк (г. Мінск, вул. Прытыцкага, 60/2), Віцебская абласная дырэкцыя (г. Віцебск, пр-т Будаўнікоў, 1Г), Гродзенская абласная дырэкцыя (г. Гродна, вул. Горкага, 60), Брэсцкая абласная дырэкцыя (г. Брэст, вул Савецкай Канстытуцыі, 15).

Прыербанк толькі ў Менску адвязе дэнамінаваныя купюры ў 69 банкаматаў. Поўны спіс па ўсіх гарадах можна спампаваць на сайце банка. Таксама банк просіць кліентаў “не ствараць ажыятаж і чарга ў банкаматы, загружаныя новымі купюрамі 1 ліпеня 2016. З часам усе прылады будуць выдаваць і прымаць грошы новага ўзору”.

Парытэтбанк загрузіць грошы ўзору 2009 года ў 4 сталічных банкамата (вул. Кісялева, 61а, вул. Гамарніка, 9/4, вул. Ціміразева, 125 (ГД “Ждановічы”), пр-т Пераможцаў, 19 (фасад будынка “Белінтурыст”) і амаль дзясятак банкаматаў па ўсей краіне.

Банк Масква-Мінск размесціць новыя грошы у 4 банкаматах у Мінску (два з іх на Камуністычнай, 49, а таксама на вул. Веры Харужай, 6Б і Багдановіча 120Б), па адным банкамата зарадзяць новымі грашыма ў кожным абласным цэнтры.

Спіс банкаматаў з новымі грашыма размясціў на сайце Белаграпрамбанк, 12 банкаматаў знаходзяцца ў сталіцы.

Альфа-Банк мае намер загрузіць новыя грошы ў 30 банкаматаў па ўсей краіне — у Мінску, ва ўсіх абласных гарадах, а таксама ў Рагачове, Бабруйску, Пінску, Лідзе, Мазыры, Наваполацку, Жлобіне.

Новыя грошы з’явяцца і ў многіх банкаматах Банка БелВЭБ. “Інфармацыя аб выглядзе купюр, якія выдаюцца канкрэтным банкаматам, будзе размешчана на экране банкамата. Праца па перакладзе астатніх банкаматаў на выдачу купюр новага ўзору будзе праведзена ў ліпені 2016 года”, — ўдакладняюць ў банку.

Не варта бегчы за купюрамі без нулеў і адразу пасля наступлення 1 ліпеня. З 23.00 30 чэрвеня і да раніцы 1 ліпеня карткі і банкаматы ў краіне працаваць не будуць.

Адзначым, што банкаматы не могуць адначасова выдаваць новыя і старыя грошы. Манеты банкаматы не будуць выдаваць ніколі! Як мы ўжо пісалі, самая папулярная купюра, якую банкаматы будуць выдаваць, — 5 рублеў (эквівалент цяперашніх 50 тысяч). А вось самыя буйныя новыя грошыкі — 200 і 500 рублеў — можна будзе атрымаць у банку толькі па замове.

По материалам: TUT.BY